Менаџерот на „Oppo“, Џоу Бао, потврди дека новата „Hasselblad“ камера во „Find X8 Ultra“ ќе донесе значителни подобрувања на водечкиот телефон во однос на неговиот претходник и конкуренцијата, особено кога станува збор за перформанси при слаба осветленост и прецизност на боите. Поради овие иновации, „Oppo“ веќе внатрешно го нарекува својот нов модел „Night God“.
Иако „Oppo“ сè уште официјално го нема претставено „Find X8 Ultra“, првите детали за подобрувањата на камерата се веќе достапни. Клучните иновации вклучуваат нов објектив и подобрен хардвер, кој би можел да овозможи подобра фотографија при слаба осветленост, како и поверна репродукција на бои. Овие подобрувања би можеле да го направат „Find X8 Ultra“ најдобриот телефон за ноќно фотографирање.
Сепак, конкуренцијата е силна. Кога „Oppo“ ќе го лансира својот нов модел, „Xiaomi 15 Ultra“ веќе ќе биде достапен на пазарот, а неговиот режим на ноќна фотографија веќе привлече големо внимание. Исто така, „Vivo X200 Ultra“ ќе биде сериозен ривал со три подеднакво големи сензори, иако неговите приоритети во дизајнот на камерата изгледаат поинакви.
Според достапните информации, „Find X8 Ultra“ повторно ќе има две телефото леќи за перископ и главен сензор од еден инчен. Сè уште не се знае кога ќе биде официјално претставен уредот, ниту дали ќе добие глобална верзија, пренесува „Noteboocheck“.
