Трите ривали, „Facebook“, „Microsoft“ и „Google“ ги здружија силите со цел да изградат заеднички проект преку кој ќе се изборат за побезбеден интернет.
Тоа ќе го направат така што ќе ги наградат оние кои ќе им укажат на пропусти во веб-технологијата, пренесува агенцијата Ројтерс.
Програмата ја спонзорираат „Facebook“ и „Microsoft“ со асистенција на компанијата „Google“, односно нивниот експерт за безбедност.
Наградите за откриените пропусти се движат од 300 до 5.000 долари, во зависност од природата на пронајдениот проблем.
„Иако ние сме конкуренти, нашите безбедносни системи не мора да бидат. Нашите противници се лоши момци“, изјави Алекс Рајс, од компанијата „Facebook“.
