Американската инвестициска банка „Goldman Sachs“ објави дека е предмет на истрага за можните манипулации во трговијата со странски валути.
Овој банкарски гигант стана најновата мета во низата големи банки осомничени за малверзации.
Во изминатите неколку денови, банките „Barclays“, „RBS“, „Citigroup“и „HSBC“ признаа дека се предмет на истрага во рамките на меѓународната истрага за манипулирањето со девизните курсеви, пренесува агенцијата Франс прес.
Според тврдењето на неименувани извори, „Barclays“ суспендирал шест свои работници и во моментов ја истражува можната манипулација на девизниот пазар, додека „RBS“ суспендирала двајца вработени.
