Јапонската компанија за автомобили „Honda“, во првите девет месеци од фискалната 2012- 2013 година, двојно го зголеми нето приходот благодарение на зголемената продажба. Во тој период третата најуспешна јапонска компанија, во секторот за автомобили оствари нето приходи од 2,77 милијарди евра, што е скок од 108 отсто.
Компанијата ја намали својата прогноза за годишните приходи од 375 милијарди јени на 370 јени, поради загубата од договорите во странски валути, што е последица на наглиот пад на јенот кон крајот на 2012 година.
Во првите девет месеци од фискалната 2012-2013 година, „Honda“ ја зголемила продажбата на нови автомобили за 50 отсто, а продажбата на мотори за 14 отсто. Покрај пречките на европскиот и на кинескиот пазар, компанијата успеа да оствари позитивни резултати по падот на продажбата во текот на 2011 година, поради катастрофалното цунами како и поплавата во Тајланд.
Во соопштението од управата на „Honda“ нагласуваат дека таквите резултати се постигнати благодарение на растот на продажбата во Северна Америка и пласирањето на новите модели. Добивка е зголемена повеќе од три пати на 408,8 милијарди јени, а резултатите се подобри за 28,7 отсто на 7.133.
