„Mitsubishi“ го претстави новиот „Outlander Sport“ наменет за јужноафриканскиот пазар. Ако предниот дел на возилото изгледа познато, тоа е затоа што наликува на „Mitsubishi XForce“ кој дебитираше во Индонезија во 2023-та година со карактеристични светла во форма на „Т“ и „лебдечки“ покрив што го дефинира неговиот надворешен дизајн.
Новиот „Outlander Sport“ секако има поостар и похрабр дизајн во споредба со претходните модели.
Под овие впечатливи линии се наоѓа погонски систем кој ја пренесува силата на предните тркала. 1,5-литарскиот четирицилиндричен мотор произведува 103 ks и е поврзан со CVT менувач. Засега, тоа е единствениот достапен погон.
За возење надвор од патот, „Outlander Sport“ има речиси 23 cm растојание од подлогата и цврсти агли на пристап и на заминување од 21,0 и 30,5 степени.
Иако има погон на две тркала, „Mitsubishi“ тврди дека автомобилот е способен за попребирлив терен благодарение на режимите на возење за дожд, чакал и кал. Има и систем кој помага при стабилност при поголеми брзини.
Внатрешноста е модерна, со централен дисплеј од 12,3 инчи и дисплеј на возачот од 8,0 инчи.
Екраните се приспособливи и нудат повеќекратни погледи, вклучувајќи троен мерач инспириран од „Mitsubishi Pajero“, кој ја прикажува висината, насоката на патување и индикаторот за навалување.
Контролната табла е покриена со меки материјали, додека има уште многу физички копчиња кои го надополнуваат дигиталниот изглед.
Задното седиште може да се склопи, иако производителот не го наведе точниот капацитет на багажот.
Освен основните карактеристики како „ABS“ и воздушни перничиња, единствената достапна безбедносна технологија вклучува предупредување за мртва точка и предупредување за сообраќај на задниот дел.
Доколку овој модел дојде до европскиот пазар, безбедносните карактеристики би требало значително да се прошират, но тоа во моментов изгледа малку веројатно.
Цената на новиот „Outlander Sport“ во Јужна Африка започнува од околу 23.000 долари.
