Во просториите на општина Кичево денеска градоначалникот Фатмир Дехари ја издаде првата дозвола за градба на фабрика за производство на биогас.
Фабриката ќе се гради во индустриската зона „Иванидол“ во Кичево и се предвидува првично да се вработат 15 луѓе. Инвеститорот е кичевчанец на привремена работа во Швајцарија, кој ќе го гради овој објект од енергетскиот сектор во вредност од над еден милон евра.
Градоначалникот Дехари истакна дека ова е добар пример за сите оние кои сакаат да инвестират во Кичево.
– Оваа инвестиција е плод на нашето залагање и интензивно лобирање во претходниот период. Се надевам дека уште многу инвестици ќе има во иднина, рече Дехари.