Инфлацијата во развиените земји во септември забави на 1,5 од 1,7 проценти од претходниот месец, соопшти вчера Организацијата за економска соработка и развој (ОЕЦД).
Освен краткорочниот раст од средината на 2013 година, потрошувачките цени во 34 земји на ОЕЦД се во постепен пад во последните две години, а стапката на инфлација во моментов е на најниското ниво во последните три години, пренесува агенцијата Франс прес.
Инфлацијата во САД во септември се намали на 1,2 од 1,5 проценти од август, додека во еврозоната истовремено е намалена на 1,1 од 1,3 проценти.
Во Групата од 20 најразвиени земји во светот, стапката на инфлација е забавена на 2,9 од три проценти, додека во Кина, од друга страна, таа забрза на 3,1 од 2,6 проценти.
Аналитичарите од неодамна укажуваат на забавување на инфлацијата и слаб глобален економски раст како причина поради која централните банки во развиените земји, каматните стапки ги држат на ниско ниво и ја олабавуваат монетарната политика.