„Skoda“ ја започна 2025-та година со силен почеток – претставени се модерни, ажурирани верзии на моделите „Enyaq“ и „Enyaq Coupe“.
„Ѕkoda Enyaq“ успеа да достигне 250.000 клиенти за само три години, со што стана четврти најпродаван електричен автомобил во Европа.
Сега, „Enyaq“ е значително изменет, што треба да ја одрази желбата на чешката компанија да остане на врвот на Европа во годините што доаѓаат.
Новиот преден дел е одговорен за променетите димензии, па моделот сега е девет милиметри подолг и околу два милиметри повисок, со подобрена аеродинамика.
Горниот дел користи осветлување за подобро да ја истакне решетката, додека долниот дел содржи радари што ги користи помошникот за возење.
Предните светла користат LED или Full Matrix LED технологија во зависност од пакетот, заедно со head-up дисплеј со зголемена реалност, камера од 360 степени и аудио систем Canton.
Назад, верзијата на „Enyaq“ од 2025-та година има LED светла во форма на „C“, кои доаѓаат со анимации.
Внатрешноста е значително променета, бидејќи сега има целосно нов волан кој го носи името на брендот, а не ознаките на производителот. Дигиталната инструмент табла има дијагонала од 5 инчи, додека мултимедијалниот екран на допир има дијагонала од 13 инчи.
Постојат неколку амбиенти од кои клиентите можат да избираат, а тие се вклопуваат со две нивоа на опременост и имаат греење на предните седишта.
Дополнително, има уште четири пакети со опции: „Clever“, „Plus“, „Advanced“ и „Maxx“, кои доаѓаат со различни додатоци како што се панорамски покрив или зимски пакет (загреано возачко седиште и задни седишта).
Што се однесува до понудата на погонската единица, таа остана непроменета, со рафинирана и подобрена суспензија.
Според тоа, „Ѕkoda Enyaq 2025“ пристигнува во три веќе добро познати варијанти: двата електрични теренци се достапни со батерија со нето капацитет од 77 kWh, што е единствената достапна опција кај 85-те верзии кои имаат електричен мотор од 286 коњски сили.
Основно, т.е. основната верзија од 204 ks е поврзана со батерија која има капацитет од 59 kWh, а потребни се околу 25 минути за полнење од 10% до 80%.
Сè уште не знаеме колку ќе чини ажурираниот и модернизиран „Enyaq“, но наскоро ќе дознаеме бидејќи се очекува продажбата да започне на пролет.
