Инвестицискиот фонд Clean Technology, основан од Бил Гејтс, ќе инвестира 40 милиони долари во стартапот Deep Sky, кој се обидува да изгради објекти од големи размери за чистење на јаглерод диоксид од воздухот.
Deep Sky со седиште во Монтреал, има за цел да отстрани милиони тони CO2 и да го складира под земја. Стартапот е основан од Фредерик Лалонде, извршен директор на Хопер, една од највредните канадски технолошки компании, пишува Блумберг.
Средствата доаѓаат од програмата Catalyst на Breakthrough Energy, платформа која инвестира во нови климатски технологии. Тие ќе бидат наградени за изградба на првата фабрика на Deep Sky во Алберта.
Овој објект бара инвестиција од повеќе од 100 милиони канадски долари (70 милиони американски долари).
Deep Sky очекува да започне со работа и испорака на кредити за отстранување на јаглерод во 2025 година. Компанијата во ноември објави дека продала одредена количина на т.н. климатски кредити на Мајкрософт, како и на Royal Bank of Canada, иако не беа откриени финансиски детали.
Deep Sky собра повеќе од 130 милиони канадски долари со ова најново финансирање – неговите инвеститори се Банката на Монтреал, Националната банка на Канада, Whitecap Venture Partners, BrightSpark Ventures, владата на Квебек и други.
