Германската фармацевтска компанија „Beiersdorf“, производител на популарната крема „Nivea“, ја зголеми прогнозата за профитот за оваа година, по позитивните резултати од првите девет месеци.
„Предвидуваме раст на профитот од шест до седум проценти за фискалната 2013 година, благодарение на силното работење“, соопшти компанијата, пренесува агенцијата Франс прес.
„Beiersdorf“ претходно предвидуваше раст на заработката од пет до шест проценти.
Групацијата очекува дека профитот од работењето ќе се зголеми за околу 13 проценти. Во првите девет месеци заклучно со септември, приходите се зголемиле за 7,3 проценти, на 4,67 милијарди евра.
