Унгарската влада одлучи да ги преземе долговите на локалната самоуправа од 420 милијарди форинти (1,42 милијарди евра).
Тоа е составен дел од консолидација на самоуправата, рече портпаролот на унгарската влада Андраш Џиро Шаш, пренесува агенцијата Франс прес.
Консолидацијата ја достигна својата четврта фаза. Владата на својата седница минатата недела одлучи да го преземе долгот на локалната самоуправа, од 420 милијарди форинти, додаде портпаролот.
Според лидерот на парламентарната група на унгарската владејачка партија Фидес, Јанош Лазар, таа мерка ќе ги опфати долговите на 300 градови, од кои секој има повеќе од 5,000 жители. Лазар смета дека целиот процес ќе биде завршен до февруари 2014 година.
