„Huawei“ постигна значителен пробив на полето на корисничко искуство, дозволувајќи им на апликациите да функционираат непречено на различни оперативни системи.
Националната канцеларија за интелектуална сопственост на Кина објави патент со наслов „Метод за извршување на апликации помеѓу системи и електронски уреди“ (Број на патент CN116775118B). Патентот, поднесен од „Huawei“ во март 2022-ра година, беше официјално доделен во ноември 2024-та година.
Клучни иновации на патентот на „Huawei“
Оваа технологија им овозможува на електронските уреди да поддржуваат два различни софтверски системи и истовремено да извршуваат апликации од двата системи. Патентот на „Huawei“ го решава долгогодишниот проблем со користење на апликации помеѓу различни опкружувања на оперативни системи. Благодарение на ова решение, корисниците повеќе нема да треба да се префрлаат помеѓу системи за да користат апликации од „HarmonyOS“ и „Android“.
Една од клучните функционалности на оваа технологија е можноста за „добивање детали за клучните апликации“ – како што се икони и извршни патеки – од секундарниот систем и нивно прикажување во интерфејсот на примарниот систем. Ова овозможува „беспрекорно корисничко искуство“, каде што апликациите од различни платформи се достапни со еден допир.
Придобивка за корисниците
Со овој чекор „Huawei“ се доближува до целта „HarmonyOS“ и „Android“ да коегзистираат на ист уред, нудејќи им на корисниците пофлексибилно, ефикасно и интуитивно искуство со паметен телефон, пишува „innoGyan“.
