За прв пат „EuroNCAP“ тестираше тешки камиони, а два модели на „Volvo“ добија максимални пет ѕвезди за безбедност.
„Volvo FM“ и „Volvo FH Aero“ се најпродаваните модели на оваа компанија, а извонредно се претставија на првиот тест „EuroNCAP“, кој ја оценуваше безбедноста на камионите.
Најдобар од сите тестирани модели беше „Volvo FM“, а оценките беа дадени во три клучни категории: безбедност при возење, избегнување судар и дејствија по несреќата.
Исто така, „Volvo FH Aero“ освои пет ѕвезди, а тој тест погледнете го на видеото подолу.
Покрај овие два модели, беа тестирани и други камиони, но ниту еден од нив не ја доби максималната оцена.
„Renault Trucks T“ и „Scania G-series“ добија по четири ѕвезди, а „Scania R“ серијата, „Mercedes-Benz Actros L“ и „DAF XF“ заработија по три ѕвезди.
Најлошо оценет камион на првиот „EuroNCAP“ тест од ваков тип беше „Iveco S-WAY“, кој доби една ѕвезда и повеќе негативни отколку позитивни оценки.
