Дали се сеќавате на (навистина) старите телефони на „Nokia“?
Ако одговорот на претходното прашање е да, имаме добри вести за вас. Компанијата „HMD“, „наследникот“ на „Nokia“, наскоро ќе го претстави новиот модел на преклопување, „HMD Icon Flip 1“.
Овој класичен телефон е модернизиран, а фотографиите и спецификациите протекоа на социјалните мрежи. Па да видиме што ни носи овој хит на носталгија.
„HMD Icon Flip 1“ е наменет да биде класичен телефон на преклопување, така што нема да биде паметен телефон. Внатре ќе има екран со дијагонала од 2,8 инчи, а однадвор екран со дијагонала од 1,7 инчи.
На задната страна има камера од 2 MP, додека под капакот е батерија од 1.500 mAh која може да се замени по потреба.
Ако се прашувавте кој процесор е тука, тоа е Unisoc T127 чипсет со 48 MB RAM, во комбинација со 128 MB внатрешна меморија.
Секако, овој телефон е првенствено наменет за повици и пораки, а некои од дополнителните функции се 4G мрежа, Bluetooth 5.0 и 3.5 мм приклучок за слушалки. Ќе доаѓа во три бои – розова, тиркизна и црна.
Сѐ уште не е објавено кога овој телефон ќе се појави на пазарот, ниту колку ќе чини.
