На конфигураторот на веб-страницата на „Volkswagen“ во Германија се појави нова, моментално најскапа верзија на „Golf“.
Откако се збогувавме со ограничената верзија на најмоќниот „Golf“, пристигна нов. Атрактивниот „Golf R“ сега е достапен во специјална „Black Edition“, која е поскапа за околу 10%.
Во Германија почетната цена на новиот „Golf R“ модел е 54.945 евра, додека „Black Edition“ од 59.590 евра.
Додатоците ја зголемуваат цената
Сепак, ова е само почетната цена, бидејќи има голем број дополнителни опции. На пример, и покрај името „Black Edition“, за црната боја на каросеријата треба да платите 810 евра.
Позитивната страна е што 19-инчните „Estoril“ тркала доаѓаат како стандард, но за специјалните спортски гуми се потребни дополнителни 1.000 евра.
На крајот, цената на овој „Golf“ со сите додатоци може да достигне 74.000 евра во Германија.
Перформансите остануваат исти
Што се однесува до механиката, таа е непроменета. Најмоќниот „Golf“ и понатаму го придвижува 2.0 TSI мотор со 333 ks, кој со погонот 4Motion овозможува забрзување од 0 до 100 km/h за само 4,6 секунди.
Новина на оваа верзија е што максималната брзина е ограничена на 270 km/h.
Сè на сè, овој модел веројатно ќе го привлече вниманието на колекционерите и најголемите ентузијасти на германската марка.
