„Honda Amaze“ се враќа со поелегантен дизајн и допир на дополнителна софистицираност во третата генерација.
Малите седани можеби изумираат во Северна Америка и Европа, но во Индија доминираат. Откако „Maruti Suzuki“ го претстави новиот „Dzire“, „Honda“ објави тизери за конкурентниот модел „Amaze“, најавувајќи го неговото лансирање на 4-ти декември.
„Honda Amaze“ се враќа со поелегантен дизајн и допир на дополнителна софистицираност во третата генерација.
Скиците обично покажуваат идеализирана верзија на возилото, со издолжени пропорции и нагласени детали. Сепак, очигледно е дека новиот модел ќе изгледа попривлечно во однос на неговиот претходник.
Предниот дел се карактеризира со хексагонална решетка и издолжени LED фарови, инспирирани од поголемите модели на „Honda“.
Има и спортски доводи на браникот и поостри линии на хаубата.
Задниот дел е инспириран од моделот „Honda City“, со агресивни задни светла кои имаат затемнети сегменти.
Внатрешноста наликува на минијатурна верзија на „Civic“, со хоризонтални отвори за воздух и слободно стоечки инфозабавен екран.
Веројатно се работи за екран на допир од 10,25 инчи, преземен од теренецот „Honda Elevate“, заедно со контролите на климата и воланот.
Очекуваме „Honda“ да ги подобри безбедносните карактеристики на својот најмал седан, додавајќи многу стандардни воздушни перничиња и неколку системи „ADAS“.
И покрај големите промени во стилот, новата „Honda Amaze“ се очекува да ги користи истите механички подлоги како и неговиот претходник. Сегашната генерација дебитираше во 2018-та година, базирана на платформа изведена од поголемиот модел на „Honda City“, кој исто така го дели со моделот „Honda Elevate“.
Опциите за погон најверојатно ќе го вклучуваат постоечкиот 1,2-литарски бензински мотор со четири цилиндри со 90 коњски сили (66 kW), поврзан со петстепен мануелен менувач или „CVT“. Се шпекулира и за верзија со „CNG“, која веќе е опција кај конкурентите.
„Honda Amaze“ ќе се натпреварува со целосно новите модели како „Maruti Suzuki Dzire“, „Hyundai Aura“ и „Tata Tigor“, од кои сите се базирани на урбани хечбекови.
