Најбрзиот полициски автомобил ѝ беше прикажан на јавноста на саемот за потрошувачка електроника SEMA 2024, што се одржуваше во Лас Вегас. Тоа е „Tesla Model S Plaid“, кој доби сериозна промена.
Подобрувањата на електричниот седан се дело на студиото „Unplugged Performance“, кое не само што е најпознатото студио за тјунинг автомобили на „Tesla“, како и снабдувач на резервни делови и додатоци за тјунинг електрични автомобили, туку и компанија која ги претвора производните модели на „Tesla“ во полициски автомобили. Таа на „SEMA“ ја претстави својата нова креација – најбрзиот полициски автомобил „Tesla Model S Plaid Pursuit“.
Генерално, електричните автомобили стануваат сè попопуларни, а полицијата во САД веќе често се потпира на такви автомобили. „Unplugged Performance“ го искористи моментот и создаде поделба наречена „UP.FIT“ која е специјализирана за претворање на автомобилите на „Tesla“ во полициски автомобили. Тие имаат голем број на предности во однос на автомобилите со класични мотори со внатрешно согорување – пониски трошоци за одржување, експлозивна динамика и нулта потрошувачка на гориво.
Новиот полициски седан „Tesla Model S Plaid Pursuit“ развива повеќе од 1000 ks, а од 0 до 100 km/h забрзува за 1,9 секунди. Автомобилот доби и трепкачки светла интегрирани во кабината. Ова решение овозможи да се напушти традиционалниот сноп на покривот и да се подобри аеродинамиката.
Друга специјална опрема на најбрзиот полициски автомобил на планетата вклучува електричен браник, сирени со висока и ниска фреквенција, звучник и оклопни врати
