„Lamborghini“ и „Bentley“ најавија отповик на возила во кој ќе бидат вклучени моделите „Gallardo“, „Murcielago“, „Continental GT“, „GTC“ и „Flying Spur“ во САД поради проблеми со јаглеродните керамички сопирачки.
Според американската национална управа за безбедност и сообраќај, вкупно 667 единици „Lamborghini“ „Gallardo“ и „Murcielago“ ќе бидат погодени од ова повлекување.
Станува збор за „Gallardo“ моделите „Coupe“ и „Spyder“ од 2007-та до 2009-та година, додека пак од „Murcielago“ се вклучени „Coupe“ и „Roadster“ моделите од 2006-та до 2010-та година.
Автомобилите на „Bentley“ од моделите „Continental GT“, „GTC“ и „Flying Spur“ исто така се погодени од овој отповик. Според агенцијата моделите кои се произведени во периодот помеѓу јули 2006-та до јуни 2010-та година и се опремени со дискови за сопирање кои се изработени од јаглеродна керамика ќе треба да се јават во сервисите за отстранување на проблемот.
