Американската банка „Citigroup“ е под истрага на американските и странските финансиски власти, поради сомневање дека учествувала во манипулирањето со девизните курсеви.
„Citigroup“ е најновата во низата банки кои во последните неколку денови се најдоа под истрага на финансиските власти во целиот свет, а меѓу оние за кои се води истрага се и банките „Barclays“, „Deutsche bank“, „UBS“ и „RBS“, пренесува агенцијата Франс прес.
„Владините агенции во САД и странските регулаторни власти спроведуваат истрага во врска со тргувањето со девизните курсеви, а „Citigroup“ прими повик да соработува во истрагата, како и да обезбеди дополнителни информации во врска со овој случај“, се наведува во соопштението од американската банка.
Од „Citigroup“ велат дека ќе соработуваат со испекторите со цел разрешување на сомнежите.
