Јапонскиот производител на автомобили Нисан ја намали прогнозата за фискалната година која завршува на крајот на март 2014-та година, сметајќи за во иднина вкупен нето профит од 355 милијарди јени (2.67 милијарди евра), наместо досегашните 420 милијарди јени.
Намалувањето на прогнозата на резлутатите од работењето, јапонската компанија го образложува со намалувањето на продажбата во Кина и Југоисточна Азија, како и повлекувњето од пазарот на еден број возила во септември оваа година.
Во периодот од јули до септември, компанијата оствари профит во вредност од 107.8 милијарди јени во споредба со 106-те милијарди во истиот период од 2012-та година, додека пак аналитичарите очекуваа 90.4 милијарди јени.
Француската компанија Рено учествува во капиталот на Нисан со 43,4 проценти.
