Американскиот осигурителен гигант „AIG“ (American International Group) во третиот квартал оствари подобри резлутати од очекуваните, благодарејќи на силниот раст на активностите во секторот за осигурување на имотот и осигурувањето од штета.
Нето профитот во третото тромесечие е зголемен за 17 проценти или на 2.17 милијарди долари (1.60 милијарди евра), додека пак во истиот период од 2012-та тој изнесуваше 1.8 милијарди долари.
Оперативниот профит достигна износ од 1.4 милијарди долари, односно 96 центи по акција, што е за два центи повеќе во однос на просечното предвидување на експертите.
Меѓутоа, износот на нето премијата, опадна за еден процент или на 8.7 милијарди долари.