6 април, 2025
ПочетнаАВТОБИЗ„Citroen“ го претстави новиот „C5 Aircross“ (ФОТО/ВИДЕО)

„Citroen“ го претстави новиот „C5 Aircross“ (ФОТО/ВИДЕО)

На тековниот саем за автомобили во Париз, „Citroen“ го претстави концептот на новиот „C5 Aircross“, кој ја најавува втората генерација на компактниот теренец.

Сериската верзија ќе пристигне во средината на 2025-та година со опција за целосно електричен погон со максимална автономија од 680 километри.

Од „Citroen“ велат дека серискиот модел ќе биде 95% сличен на претставениот концепт.

Францускиот производител се пофали дека првата генерација на „C5 Aircross“ е огромен комерцијален успех, но додаде дека е време да се обнови.

Новиот „C5 Aircross“ ќе се базира на механичката платформа „STLA Medium“, која може да носи и мотори со внатрешно согорување и електрични мотори.

Новата генерација ќе ја дели платформата со низа компактни теренци на „Stellantis“, вклучувајќи ги „Peugeot 3008“ и „Opel Grandland“.

Сегашниот „C5 Aircross“ започна да се произведува во 2017-та година, а новиот исто така ќе се произведува во Рен, Франција.

„Stellantis“ инвестираше 173 милиони долари во надградба на фабриката за производство на целосно електрична верзија.

„Citroen“ не објави технички детали за следната генерација на моделот „C5 Aircross“, но потсетуваме дека „Peugeot 3008“ е достапен со 48-волтен хибриден погон, plug-in хибрид и неколку целосно електрични верзии со максимален опсег од речиси 700 km, па може да очекуваме слична, ако не и идентична понуда.

НАЈНОВИ ВЕСТИ

ХОРОСКОП