Сакате да работите во компанија која претежно е во странска сопственост. Еве на што треба да посветите внимание кога се претставувате.
Работата во интернационална компанија има одредени специфичности за кои најдобро ќе се подготвите ако во текот на школувањето своето работно искуство го насочите во тој правец. Но дури и ако позади себе имате работно искуство, постојат вештини на кои треба да поработите за да го привлечете вниманието на еден таков работодавач:
1. Размена на студенти
Запознавањето на различни луѓе е добро не само поради можноста за патувања и усовршување на странските јазици, туку и поради запознавањето на различни култури, погледи на животот, работата, плановите за иднината. Работата во интернационална компанија бара висок степен на почитување на различностите, но и разбирање на специфичностите.
2. Поврзување на студентските асоцијации
Бројните студентски асоцијации даваат информации за работните места во странство, обработување на праксата или стекнување на првото работно искуство во интернационална средина, и тоа во компаниите за кои веројатно и не знаете дека постојат или ги нема во Македонија.
3. Бидете подготвени за волонтирање
Тоа можеби е едно од најдобрите вложувања кои можете да ги направите на почетокот на својата кариера. Моменталното откажување долгорочно ќе ви се исплати бидејќи ќе стекнете богато искуство, благодарение на кое многу врати во иднина би можеле да ви бидат отворени.
4. Побарајте канцелариска работа
Обично е добро да започнете потрага за работа веќе во текот на школувањето, а канцелариското секојдневие е посебно привлечно и стресно, па добро е што порано да стекнете искуство во оваа работа и да се навикнете на се што нуди канцелариската работа во корпорацијата. Ако имате можност да волонтирате или хонорарно да работите било каква канцелариска работа, не двоумете се премногу – во прашање е искуство кое долгорочно ќе ви биде корисно.
5. Писмено и усно истражување
Доброто писмено и усно истражување е многу важно за работа во интернационална компанија. Не морате да бидете новинар или писател за да знаете да составите добар извештај или деловно писмо.
6. Странски јазици
Усовршете го англискиот јазик и покрај тоа, секако, усовршете уште еден јазик. Подобро е да познавате одлично два странски јазици отколку повеќе други јазици да ги зборувате по малку.
7. Поставете си цел
Целта мора да биде јасна, но не претерувајте со прецизноста. Добро е кога дефинирате во кој сегмент сакате да работите и како сакате професионално да се развивате, но немојте да разгледувате само една компанија како ваш идеален работодавач, а да ги исклучите останатите. Постојат многу компании кои го заслужуваат вашето внимание – можеби не се толку познати или присутни кај нас, но тоа не ја намалува нивната важност.
8. Секогаш е добро да направите „чекор повеќе“
Секако, можете да се јавувате на натпревари, но ако се обидете директно да го контактирате директорот или менаџерот на компанијата и да испратите отворена молба, сигурно први ќе се издвоите од другите кандидати. Обидете се да договорите краток состанок за да се претставите во живо.
9. Бидете флексибилни
Долгите работни часови и подготвеноста за патувања се нешто што би можеле да го земете здраво за готово ако се јавувате за работа во интернационална компанија. Исто така бидете подготвени на преселба поради работата и на фактот дека би можеле година или две да живеете во друг град или држава.
10. На разговорот за работа…
Немојте да зборувате за тоа што вие „би сакале“ да работите туку што сте „имале можност“ да постигнете. Зборувајте за своите конкретни резултати, напредокот кој сте го оствариле, бројките кои сте ги зголемиле или намалиле.
11. Колку тениски топчиња собира во еден автобус?
Звучи како незгодно прашање? Не грижете се. Интернационалните компании неретко на разговорите за работа сакаат да поставуваат вакви прашања – не затоа што очекуваат точен одговор туку за да видат како размислувате. Значи, ако покажете подготвеност за соработка и размислувате за прашањето, тоа ви е еден плус.
12. Останете љубопитни
Работата во интернационална компанија е динамична и бара луѓе кои се проактивни, љубопитни, поставуваат прашања, покажуваат иницијатива и сакаат да учат. Така, само напред… нема глупави прашања!
