Црна Гора забрани увоз на земјоделски продукти од Албанија откако во дел од нив се откриени големи количества препарати за заштита.
Според црногорското Министерство за земјоделство, властите конфискувале големи количества краставици увезени од Албанија и во голем дел од нив било пронајдено присуство на пестицидот „спироксамин“ далеку над нормалата пропишана од Европската унија.
Одлуката за забрана е донесена по активирање на програмата за мониторинг над препаратите за заштита кај зелечукот и овошјето.