Автомобилот „Audi RS6 Avant“ сам по себе е доволно насилен и луд, па е во можност најобичното возење да го претвори во тркачко уживање. Но можете ли да си замислите како би изгледал уште поагресивен?
Тоа го стори германската тјунерска куќа „O.CT Tuning“, која претстави пакет на модификации за најмоќниот караван на компанијата од Инголштад, кој го претвора во вистински супер-автомобил.
Главниот акцент е на пакетот за оптимизација на моторот, кој допринесува за агресивно подобрување на постоечкиот софтвер на 4.0-литарскиот TFSI V8 агрегат. Резултатот е промена на перформансите од 552 KS и 700 Nm на 661 KS и 880 Nm вртежен момент.
Како резултат на тоа, „RS6 Avant“ до „стотка“ забрзува за пола секунда побргу (3.4 секунди). Што се однесува до максималната брзина „O.CT“ нуди два пакети во кои брзината електронски е ограничена на 300 и 320 km/h, иако може да се нарача и поголема брзина.
Една од опциите е и комплетен спортски издувен систем, кој обезбедува вистински тркачки звук, но и дополнителни 10 „коња“ за вкупно 671 KS.
