Киселата зелка нема да се расипе ако се грижите за 3 работи, а повкусна ќе биде ако во садот додадете мед или шеќер.
Од кисела зелка се прават некои познати специјалитети како сарма, подварак… Денеска ве советуваме како да не се расипе киселата зелка, а за тоа е важно да следите неколку чекори.
При закиселување на зелката, важно е да се избере вистинскиот сад. Најпогодни се глинените, дрвените или стаклените садови, а не се препорачува употреба на метални или пластични бидејќи можат да оксидираат. Садовите во кои ќе ја киселите зелката мора да бидат суви и чисти, па пред употреба измијте ги со топла вода, сода бикарбона и оцет. Добро исушете ги и погрижете се да немаат пукнатини или гребнатини. Во исчистените садови наредете ја зелката и прелијте ја со расол за да биде целосно покриена. Пред да го затворите садот, додадете малку шеќер или мед во киселата зелка, бидејќи овие две состојки ќе помогнат да се зачува киселоста и да се подобри вкусот на киселата зелка.
За зелката да кисели и да не се расипе, важно е да ја чувате на добро место, а особено се важни овие 3 услови.
Температура
Оптималната температура за чување на кисела зелка е 0-5 степени Целзиусови. На повисоки температури, зелката може да стане премногу кисела или сува. На пониски температури, зелката може да замрзне или да ги изгуби своите својства.
Осветлување
Подобро е да се чува кисела зелка на темно место, бидејќи светлината може да ја расипе нејзината боја и вкус. Не ја чувајте зелката на директна сончева светлина или во близина на вештачки извори на светлина.
Влажност
На киселата зелка и е потребна доволна количина на влага. Не чувајте ја зелката на суви или проветрени места. Исто така, мора периодично да го проверувате нивото на расол и да додавате доколку е потребно.
