Познатиот новинар од Москва Евгениј Попов на телевизискиот канал „Русија 1“ презентираше кои европски градови би можеле да бидат први мети на руските нуклеарни ракети, заклучувајќи дека на такви удари најчувствителна ќе биде Велика Британија.
Цели, според оваа презентација, би биле Берлин, Варшава, Париз, Букурешт и Прага, како и американските бази во Германија.
Попов се врати на оваа тема како одговор на најавата на Вашингтон и Берлин дека САД како дел од заложбите за НАТО ќе почнат да распоредуваат ракети со долг дострел во Германија во 2026 година. Ова би вклучувало распоредување на крстосувачки ракети СМ-6 и Томахавк и ново развиено хиперсонично оружје.
Во видеото објавено на Х од советникот на украинскиот министер за внатрешни работи Антон Герашченко, Попов, кој е и пратеник во Државната дума на Русија, ги обвини САД дека ја туркаат Европа во ужасот на светска војна „со загарантирано меѓусебно уништување“, известува Newsweek.
Стоејќи пред видео ѕид со карта на Европа, Попов рече дека Пентагон ќе распореди ракети кои „претставуваат ужасна закана за Русија“. Тој додаде дека оружјето има способност да стигне до градови како Санкт Петербург, Казан, Москва, Новосибирск и Екатеринбург, чии локации се прикажани на видео ѕидот зад него.
Attention, EU and UK!
— Anton Gerashchenko (@Gerashchenko_en) July 17, 2024
Russian state TV channel showed a map of nuclear strikes on European capitals.
MP Popov: "Britain is in the most vulnerable state. Three missiles are enough for this civilization to collapse." pic.twitter.com/m9rRiaK1cK
-Станува збор за ракети кои спаѓаат во Договорот за нуклеарни сили со среден дострел (ИНФ), кои (Доналд) Трамп ги уништи – рече Попов, зборувајќи за тоа како САД се повлекоа од договорот за контрола на вооружувањето во 2019 година.
Ракети се распоредуваат во Германија по 20-годишно отсуство. Ракетите од копно со дострел од 500 до 5.500 километри се забранети до 2019 година според Договорот за нуклеарни сили со среден дострел (ИНФ), потпишан на крајот на Студената војна во 1987 година од тогашниот советски лидер Михаил Горбачов и американскиот претседател Роналд Реган.
Соединетите Држави се повлекоа од ИНФ во 2019 година, велејќи дека Москва го прекршува договорот, што Кремљ го негираше, само за Русија да се повлече и од договорот.
Три проектили и Британија ја нема
„Не е тешко да се погоди географијата на одговорот ако изјавата за печатот на Белата куќа стане реалност. Сите европски престолнини се загрозени ако нашите ракети се во Калининград“, рече Попов, мислејќи на руската ексклава што се граничи со членките на НАТО Полска и Литванија во Балтичкото Море.
Цели, според оваа презентација, би биле Берлин, Варшава, Париз, Букурешт и Прага, како и американските бази во Германија, кои потоа блескаат на екранот.
Попов рече дека руската Северна флота ќе се соочи со Британија, „нашиот традиционален непријател“, и дека предлозите на Вашингтон за распоредување ракети во Германија се закануваат не само на Лондон, туку и на Манчестер, Бирмингем и британската поморска база во Клајд, Шкотска.
-Британија е најранлива. Доволни се само три ракети и оваа цивилизација ќе пропадне – додаде Попов.
