Ангелоски: За градење на силна бизнис заедница од клучно значење е надминувањето на родовата нееднаквост и јакнење на економската позиција на жените
За градење на модерно општество и силна бизнис заедница исклучително е важно да се надмине родовата нееднаквост и да се зацврсти економската позиција на жените, затоа од клучно значење е да се спроведуваат активности со кои истото ќе биде овозможено, истакна претседателот на Сојузот на стопански комори Трајан Ангелоски, осврнувајќи се на иницијативата „Зајакнување на водечката улога на жените во приватниот сектор преку подобрување на меките вештини и финансиската писменост на жените и спроведување на дигитализација во процесот на вмрежување и едукација на жените претприемачи“, што се спроведува во рамки на проектот „Активност за јакнење на деловниот екосистем“.
Проектот, во рамки на кој се имплементира иницијативата со која им се овозможува на жените унапредување на нивното лидерство во светот на бизнисот, е финансиран од УСАИД, а спроведуван од Консалтинг за стратешки развој.
Иницијативата ќе ја зајакне лидерската улога на жените во приватниот сектор во нашата земја преку подобрување на меките вештини и финансиската писменост, како и спроведување на дигитализација во процесот на вмрежување и едукација на жените претприемачи.
Ја спроведувате на иницијативата „Зајакнување на водечката улога на жените во приватниот сектор преку подобрување на меките вештини и финансиската писменост на жените и спроведување на дигитализација во процесот на вмрежување и едукација на жените претприемачи“. Зошто се одлучивте за спроведување на ваков тип на иницијатива и која е крајната цел?
Ангелоски: Сведочиме дека во текот на изминатите години се забележува намалување на родовата нееднаквост, но и покрај напорите кои се вложуваат во таа насока, не е постигната целосна рамноправност меѓу мажите и жените, а нашата цел е анулирање и непостоење на разлики во иднина. Ние сметаме дека за да се изгради модерно општество и силна бизнис заедница, исклучително е важно да се надмине родовата нееднаквост и да се зацврстви економската позиција на жените и токму затоа спроведуваме активности во таа насока, како што е и оваа иницијатива со која ќе ги унапредиме лидерските вештини на жените, а дополнително ќе овозможиме нивно дигитално вмрежување и зајакнување.
Нашата иницијатива „Зајакнување на водечката улога на жените во приватниот сектор“ има за цел да ги зајакне жените преку дигитална платформа која нуди неколку клучни придобивки. Прво, платформата ќе обезбедува онлајн курсеви за развој на лидерски вештини, комуникација и финансиска писменост, што им помага на жените да ги усовршат своите вештини и да напредуваат во своите кариери. Второ, платформата овозможува дигитално вмрежување, каде што жените претприемачи можат да се поврзат со други професионалци, разменувајќи искуства и создавајќи нови деловни можности. Дополнително, платформата нуди пристап до ресурси, менторство и поддршка од експерти, што им помага на жените да ги надминат предизвиците и да успеат во своите деловни потфати.
Колку кај нас е доволно развиена свеста кај населението за надминување на овој предизвик?
Ангелоски: Свеста за важноста на зајакнување на лидерската улога на жените во приватниот сектор сè уште не е доволно развиена во нашето општество. Во нашиот бизнис сектор, особено во малите и средни претпријатија (МСП), жените се соочуваат со специфични предизвици како што се ограничен пристап до финансии, недостаток на мрежи за поддршка и недоволна видливост во лидерските позиции. Членките на Сојузот често се соочуваат со проблеми при обезбедување на капитал за проширување на нивните бизниси и имаат потешкотии во наоѓање на ментори и деловни партнери кои можат да им помогнат во нивниот развој.
Иако постојат значајни чекори и иницијативи за промоција на родова рамноправност, жените сè уште се соочуваат со бројни пречки на патот кон лидерските позиции. Овие пречки се резултат на длабоко вкоренети социо-културни норми и стереотипи кои го ограничуваат нивниот професионален напредок и токму затоа од исклучителна важност, за мене како маж, е спроведувањето на ваков вид на иницијатива, бидејќи со тоа ја демонстрирам мојата посветеност за надминување на овој предизвик и целам кон давање на позитивен пример за останатите.
Потребно е активно залагање за едукација и подигање на свеста кај населението за придобивките од инклузивното лидерство и родовата рамноправност. Зајакнувањето на жените во лидерските улоги не е само прашање на праведност, туку и на економски раст и конкурентност. Затоа, од исклучителна важност е да продолжиме да работиме на елиминирање на родовите бариери и да создадеме политики кои ќе овозможат еднакви можности за сите. Само на тој начин можеме да создадеме општество во кое секој поединец има можност да го достигне својот полн потенцијал, без оглед на родот.
Какви активности предвидува проектот?
Ангелоски: Проектот кој го спроведуваме во соработка со Консалтинг за стратешки развој предвидува низа активности насочени кон зајакнување на лидерската улога на жените во приватниот сектор и промоција на родовата еднаквост. Една од клучните активности е развивањето на иновативна дигитална платформа за женско претприемништво. Оваа платформа ќе обезбеди ресурси, можности за вмрежување и поддршка за бизнисите предводени од жени, поттикнувајќи го нивниот раст и успех. Активностите за развивање на платформата, обуките на жените од МСП-та, како и развивањето и имплементирањето на стандардите и стратегиите за родова еднаквост на работното место, ќе бидат интегрирани во палетата на услуги на Сојузот на комората, со фокус на економско јакнење на жените.
Во тек е спроведување на истражување за детектирање на предизвиците со кои се соочуваат жените на лидерски позиции во приватниот сектор. Ова истражување ќе ни овозможи да разбереме кои се главните бариери и потреби на жените лидери, врз основа на кои ќе развиеме десет стандарди за работа и пет стратегии насочени кон промовирање на родовата еднаквост и инклузивност во компаниите од приватниот сектор. Овие стандарди и стратегии ќе бидат презентирани пред нашата бизнис заедница преку менторска програма, која ја покренува свеста за важноста и придобивките од воспоставувањето на практики и стратегии кои придонесуваат за родова еднаквост на работното место.
Дополнително, во рамки на проектот предвидена е програма на обуки за лидерски вештини кај жените од малите и средни претпријатија (МСП). Овие обуки ќе бидат инкорпорирани во дигиталната платформа, што ќе им овозможи на жените претприемачки членки на комората да ги следат онлајн во секое време, надградувајќи ги нивните лидерски вештини. Платформата ќе биде бесплатна за членките на Сојузот на комората, додека за останатите корисници ќе се наплаќа одреден надомест за да ги користат нејзините бенефити.
Преку овие активности, нашата цел е да создадеме позитивно и инклузивно деловно опкружување кое ќе овозможи жените лидери и претприемачи да го достигнат својот полн потенцијал и да придонесат за економскиот раст и развој.
Наведовте дека подготвувате стандарди за работа и стратегии насочени кон промовирање на родовата еднаквост и инклузивност во компаниите. Дали ќе се применуваат?
Ангелоски: Ние сме лидери на силна бизнис заедница, чија мрежа зафаќа над 20.000 компании. Стандардите и стратегиите ќе бидат презентирани пред 40 членки компании, кои ќе бидат директно менторирани за нивно имплементирање во деловното работење. Позитивниот пример од овие компании а водејќи се од сите досегашни успеси, оценуваме дека истите ќе се имплементираат кај поголем дел од останатите членки на Сојузот на Стопански комори. Нашата цел е јасна – дадените насокиво менторската програма да бидат пресликани во секојдневното работење на компаниите, а со тоа да се постигнат посакуваните резултати, односно родовата нееднаквост и загарантирано право на жените да делуваат подеднакво.
Како претседател на Сојуз на стопански комори, кои се клучните предизвици со кои се соочувате при спроведувањето на иницијативата?
Ангелоски: Ангажирањето на жените претприемачи во активностите на проектот е од суштинско значење. Потребно е да ги мотивираме и охрабриме жените да учествуваат активно, што бара креирање на прилагодени и флексибилни програми кои одговараат на нивните потреби и ограничувања. Спроведувањето на дигитализацијата во процесот на вмрежување и едукација на жените претприемачи е предизвик сам по себе, затоа работиме на обезбедување на соодветни технолошки решенија и обуки на корисниците за ефективно користење на овие платформи.
Една од најголемите пречки е постоечкитесоцио-културни норми и стереотипи. Потребно е континуирано да се работи на подигање на свеста за важноста на родовата еднаквост и зајакнувањето на жените лидери. Преку проектните активности ние ќе делуваме преку неколку клучни начини. Прво, ќе организираме обуки и менторски програми за жени претприемачки, кои ќе влијаат врз зголемување на самодовербата и мотивацијата на жените од пониските менаџерски ниво да напредуваат и да заземат лидерски позиции. Второ, ќе спроведеме маркетинг кампања која ќе опфати промоција на успешни приказни на жени лидери и претприемачи, споделување на инфографици и постови за подигнување на свеста, учество на ТВ и социјални медиуми.
Какви стратегии ќе се користат за подобрување на меките вештини и финансиската писменост кај жените претприемачи?
Ангелоски: За подобрување на меките вештини и финансиската писменост кај жените претприемачи, ќе користиме комбинација од обуки, менторства, работилници и онлајн канали. Ќе обезбедиме практични знаења и вештини преку учење од реални примери и споделување на искуства. Важно е жените да имаат пристап до ресурси кои ќе им помогнат да ги развијат своите лидерски и финансиски способности.
Како оваа иницијатива ќе влијае на жените во различни сектори и какви можности се отвораат за нив?
Ангелоски: Оваа иницијатива ќе има значително влијание врз жените во различни сектори, овозможувајќи им да напредуваат во кариерата и професионалниот живот. Со стекнување на нови вештини и знаења, жените ќе можат да се издвојат во своите сектори, што ќе им овозможи да преземат водечки улоги и да го зголемат својот професионален углед. Преку обуките и менторскитепрограми, жените ќе ги развијат своите лидерски способности, што ќе им помогне да управуваат со тимови и проекти поефективно, да донесуваат стратегиски одлуки и да бидат иновативни во нивната работа.
Подобрената финансиска писменост ќе им овозможи на жените претприемачи да управуваат подобро со своите бизниси, да прават информирани финансиски одлуки и да го зголемат својот профит. Оваа иницијатива не само што ќе отвори нови можности за кариера и професионален развој на жените, туку ќе ги охрабри и да отворат и ги растат своите бизниси. Преку вмрежување и споделување на искуства, жените ќе имаат пристап до нови пазари, партнери и инвестиции, што ќе им овозможи да ги прошируваат своите бизниси и да ги остварат своите кариерни цели.
Кои се најважните фактори кои треба да се земат предвид при создавање на општествено одговорна деловна средина?
Ангелоски: За успешно создавање на општествено одговорна деловна средина, клучните фактори вклучуваат поддршка од заедницата и институциите, кои треба да овозможат околност за развој и напредок на бизнисите. Важно е да се развие ефикасна мрежа за вмрежување помеѓу претприемачите, инвеститорите и регулаторните институции, што ќе им обезбеди на жените претприемачи лесен пристап до важни ресурси и информации за нивните деловни идеи. Паралелно со тоа, креирањето на позитивна култура за женско претприемништво, каде што се поддржува иновацијата и ризикот како дел од процесот на учење и раст, игра значајна улога во стимулирањето на креативноста и ентузијазмот на претприемачката заедница.
Во рамки на проектот предвидено е креирање надигитална платформа. Која е нејзината цел каква е вашата улога во создавањето и контролата на дигиталната платформа за овој проект?
Ангелоски: Во рамки на проектот, нашата улога во креирањето и контролата на дигиталната платформа е клучна за осигурување на функционалност и ресурси кои ќе ги поддржуваат женските претприемачки иницијативи. Целта на нашата иновативна паметна дигитална платформа е да создаде простор каде што жените-претприемачи ќе имаат лесен пристап до онлајн курсеви и менторства за развој на лидерски вештини, комуникација и финансиска писменост, како и да се вмрежуваат со релевантни засегнати страни и ментори. Нашата улогавклучува не само техничкото изградување на платформата, туку и осигурување на сигурност и ефикасно управување со содржини и кориснички податоци. Преку оваа платформа, целосно посветена на потребите на жените-претприемачи, ние стремиме кон стимулирање на нивниот раст, поддршка во развојот на нивните бизниси и интеграција во широката претприемачка заедница.
Кои технолошки аспекти сметате дека се клучни за успехот на дигитализацијата во оваа иницијатива?
Ангелоски: Клучните технолошки аспекти кои ги сметаме за суштински за успехот на дигитализацијата во оваа иницијатива вклучуваат стабилноста и лесната употреба на платформата, безбедноста на податоците и можностите за интеграција со други системи и алатки. Осигурување на платформа која е стабилна и ефикасна за употреба значително ќе го подобри искуството на корисниците. Безбедноста на податоците е клучна за заштита на приватноста и довербата на корисниците, додека можностите за интеграција овозможуваат ефикасна соработка и управување со информации, што е од суштинско значење за успешно внесување на иновации и раст на бизнисите на жените-претприемачи.
Какви предности ќе нуди дигиталната платформа за мрежно поврзување и едукација на жените претприемачи?
Ангелоски: Дигиталната платформа за мрежно поврзување и едукација на жените претприемачи ќе нуди значителни предности. Првично, овозможува лесен пристап до важни ресурси, вклучувајќи информации, алатки и материјали за обуки што ги поддржуваат во нивните деловни активности и стратегии. Исто така, платформата креира значајни можности за вмрежување, што им овозможува на жените претприемачи да ги прошируваат своите мрежи на контакти, да научат од искуства на други успешни претприемачи и да се поврзат со потенцијални партнери и инвеститори. Дополнително, онлајн обуки и менторства шират можности за професионален развој и унапредување на лидерски вештини, што им помага на жените да станат социјално и економски успешни во своите деловни подвизи.
На кој начин технологијата може да ја засили способноста на жените да стекнат повисоки лидерски позиции во приватниот сектор?
Ангелоски: Технологијата игра клучна улога во засилувањето на способноста на жените да стекнат повисоки лидерски позиции во приватниот сектор преку неколку начини. Првично, технологијата обезбедува лесен пристап до разновидни информации и вештини преку онлајн обуки, вебинари и ресурсни центри. Ова им овозможува на жените да се надградуваат и да ги подобруваат своите лидерски вештини во време што ним им одговара.
Исто така, технологијата значително ја олеснува комуникацијата, особено во контекстот на глобализацијата и работата од дома. Видливоста и влијанието на жените се зголемуваат преку виртуелни средства за средби, дискусии и размена на идеи, што ја подобрува нивната способност да влијаат на одлуките во организациите.
Самата технологија, со својата иновативност и способност да ги менува работните методи и стратегиите за менаџмент, стимулира креативност и претставува нови можност за примена на стратегии што ги поддржуваат рамноправноста и инклузивноста во организациите. Овие аспекти значително придонесуваат кон засилување на жените да земат водечки улоги во приватниот сектор.
Како планирате да ги мерите и евалуиратерезултатите од проектот, и кои показатели ќе се користат за да се утврди неговиот успех?
Ангелоски: За да ги мериме и евалуираме резултатите од проектот, ќе користиме неколку основни стратегии. Првично, ќе следиме бројот на учесници во обуките и нивниот напредок преку успешно завршени курсеви. Второ, ќе го анализираме вмрежувањето и постигнатите деловни соработки како индикатор на ефективноста на нашата платформа. Трето, ќе пратиме зголемувањето на лидерските вештини и финансиската писменост меѓу учесниците, осигурувајќи дека учесниците напредуваат од пониските кон повисоките ,менаџерски нивоа.Дополнително, ќе собираме повратни информации преку анкети и дискусии со учесниците за да ги оцениме нивните искуства од учеството во проектните активности.
Кои се крајните резултати што ги очекувате од проектот?
Ангелоски: Крајните резултати кои ги очекуваме од проектот вклучуваат значително зголемување на учеството на жените во претприемништвото и водечките улоги во приватниот сектор. Овие улоги ќе бидат засилени преку подобрен пристап до критични ресурси, консултантски услуги и обука, што ќе им овозможи на жените претприемачи и лидери да ги развијат своите лидерски и бизнис вештини. Една од клучните улоги има истражувањето, бидејќи креира наоди и препораки за мерки врз основа на кои ќе бидат изработени стандардите и стратегиите за поддршка на лидерската улога на жените во приватниот сектор и со кои Сојузот ќе застапува пред релевантните инсититуции. Дополнително, преку вмрежувањето и поврзувањето на жените од различни сектори и активности, проектот ќе креира нови можност за соработка и иновации.
Исто така, проектот ќе допринесе за зголемување на свеста во приватниот сектор за значењето на родовата еднаквост. Преку активно застапување за родово одговорни политики и практики, ќе се создаде посредничка средина што ќе поддржува инклузивност и рамноправност на работното место, не само за жените, туку за целосната работна заедница. Овој ангажман ќе создаде трајна промена во начинот на работење и управување во приватниот сектор, со цел подобрување на условите за живот и работа на сите вклучени.
И за крај, на што е посветен Сојузот во тековниот период?
Ангелоски: Сојузот на стопански комори во тековниот период е активно посветен на неколку клучни цели. Прво, нашиот фокус е на подобрување на бизнис климата во земјата, создавајќи услови кои ги поддржуваат и стимулираат претприемачите и компаниите. Второ, работиме на поддршка на претприемништвото преку иницијативи кои го олеснуваат пристапот до ресурси, обуки и финансиска поддршка за бизнисите. Исто така, се фокусираме на развој на нови проекти за економски раст и иновации, што вклучуваат различни сектори и стратегии за подобрување на економската стабилност и компетитивност нашата земја.
