Обединетите Арапски Емирати (ОАЕ) ќе инвестираат 4,9 милијарди долари во Египет, беше соопштено вчера.
Тој договор го постигнале принцот на Аби Даби, Мохамед бин Зејад ал Нахјан и египетскиот премиер Хазем ал Беблави, кој е во тридневна посета на ОАЕ.
Инвестициите ја вклучуваат донацијата од милијарда долари која на Египет му беше дадена во јули и дополнителна помош исто така во вредност од милијарда долари, со што делумно ќе бидат задоволени потребите на Египет за нафта.
Инвестициите вклучуваат и изградба на 50.000 станови во Каиро, 25 силоси за складирање на пченица со капацитет од 15,000 тони и 79 помали здравствени објекти.
