„Audi e-tron“, сега „Q8 e-tron“, помогна во воведувањето на електричната ера на германскиот производител на автомобили, но се чини дека неговите денови се одбројани бидејќи компанијата објави дека „размислува предвремен крај на производството“.
Причина е „глобалниот пад на нарачките на клиентите во сегментот на електричниот луксуз“, известува „Carscoops“.
„Audi“ признава дека „Q8 e-tron“ и „Q8 Sportback e-tron“ се погодени од „посилен пад на побарувачката“, што делумно е резултат на лансирањето на понови електрични возила како што е „Q6 e-tron“, на пример. Овој модел е поевтин, помодерен и нуди подолг опсег од „Q8 e-tron“.
Имајќи го сето ова на ум, не е изненадување што гамата „Q8 e-tron“ бележи остар пад во продажбата. И за да бидат работите уште полоши, „Audi“ најави дека можеби ќе треба да ја реструктуира, па дури и да ја затвори фабриката во Брисел каде што се произведува електричниот кросовер. Проблемот на објектот е што се наоѓа во близина на центарот на градот, што значително ги зголемува логистичките трошоци.
Сепак, запирањето на двата модели е полесно да се каже отколку да се направи. Раководството на фабриката го информираше седиштето на „Audi“ за своите намери за реструктуирање на локацијата, што мора да се направи во согласност со белгискиот закон. Една од разгледуваните опции е дури и стопирање на работата на централата, но конечна одлука сѐ уште не е донесена.
