Луѓето, како и сите цицачи, се топлокрвни, што значи дека сами си ја регулираат телесната температура.
Кога вашето тело ќе почувствува дека е во средина која е премногу топла или студена, презема мерки за да ја регулира сопствената температура – треперење во ладни средини или потење во топли.
Други физички реакции на високи температури може да вклучуваат мускулна релаксација и намалување на стапката на метаболизмот.
Базален метаболизам
Метаболизмот е процес со кој телото ја претвора храната во енергија и ги снабдува клетките со таа енергија.
Оваа енергија може да дојде или од оброците или од резервите складирани во телото како масти, пишува „Livestrong“.
Количината на енергија што ви е потребна зависи од вашето ниво на физичка активност. Но, телото во мирување сè уште бара минимално ниво на енергија за одржување на основните телесни функции – ова е познато како базална метаболичка стапка или „BMR“.
Кога телото е топло и мирно, „BMR“ опаѓа, што значи дека на вашето тело му требаат помалку калории за да продолжи да функционира. А бидејќи сончањето вклучува неподвижно лежење на сонце или во солариум, потребна е многу малку енергија. Со други зборови, лежењето на сонце не согорува многу калории.
Сонцето согорува само калории во општа смисла дека сè согорува калории. Вашето тело согорува дури и мала количина на калории едноставно со дишење, варење храна и спиење.
Има одреден ефект
Додека седењето на сонце не согорува калории, постојат научни докази дека изложувањето на сончева светлина може да му помогне на вашето тело да согорува повеќе масти.
Истражувањата покажаа дека брановите должини на сончевата светлина помагаат да се намалат белите масни клетки кои се наоѓаат веднаш под површината на кожата.
