Злонамерниот софтвер „FakeBat“, познат и како „EugenLoader“ и „PaykLoader“, е една од најголемите закани на Интернет во моментов.
Станува збор за еден од најраспространетите малициозен софтвер од групата на т.н „loader“, кој се користи за преземање на друг малициозен софтвер во следната фаза од нападот. Според наодите на „Sekoia“, „FakeBat“ презема и работи малициозен софтвер како што се „IcedID“, „Lumma“, „RedLine“, „SmokeLoader“, „SectopRAT“ и „Ursnif“ на заразени уреди.
Напаѓачите ги инфицираат компјутерите со злонамерниот софтвер „FakeBar“ во нападите кои вклучуваат употреба на методи како што се манипулација со резултатите од пребарувањето („труење со SEO“), злонамерно рекламирање и вбризгување код на компромитирани страници за да ги измамат корисниците да преземаат инсталатери, лажни софтвери или веб ажурирања.
Употребата на вчитувачи на малициозен софтвер во последниве години е придружена со зголемена употреба на целни страници кои имитираат легитимни софтверски веб-страници. Ова е поврзано и со фактот дека фишингот и социјалниот инженеринг сè уште се еден од главните начини за напаѓачите да добијат првичен пристап.
Почнувајќи од декември 2022-ра година, некој што се потпишува себеси на „Eugenfest“ (познато како „Payk_34“) на форумите на сајбер подземјето, им нуди „FakeBat“ како „LaaS“ (натоварувач како услуга) на други сајбер-криминалци на модел со претплата.
Злонамерниот софтвер е дизајниран да ги заобиколи безбедносните механизми на целните системи и им нуди на корисниците опции за тројанизирање на легитимен софтвер, како и следење на инсталациите преку административниот панел.
Злонамерниот софтвер е достапен за 1.000 долари неделно и 2.500 долари месечно, 1.500 долари неделно и 4.000 долари месечно и 1.800 долари неделно и 5.000 долари месечно во зависност од верзијата.
Различни групи го шират „FakeBat“ главно на три начини: преку лажен популарен софтвер рекламиран преку реклами на „Google“, лажни ажурирања на веб-прелистувачи преку компромитирани сајтови и шеми за социјално инженерство на социјалните мрежи.
