Словенечкиот Парламент едногласно во прво читање ги усвои измените на Законот за даноци, со што Владата сака да воведе „суперданок“ како
средство за борба против непријавените доходи.
Согласно измените, приходите, кои не се пријавени, ќе се оданочуваат со 70 проценти данок, а даночните власти ќе добијат пошироки надлежности за проверка на лицата, за кои ќе биде
утврдено дека трошат повеќе од она што пријавиле дека го заработуваат.
Предложено е и рокот за кој даночните власти ќе можат да истражуваат затајување даноци да биде зголемен од пет на десет години.
