Интернет гигантот ,,Google” е најпосакуваниот работодавец меѓу мултинационалните компании, покажа едногодишното истражување на компанијата ,,Great Place to Work”, спроведено во 45 држави ширум светот.
На листата го следат производителот на софтвер ,,SAS Institute” и компанијата ,,NetApp”.
Четвртото место му припадна на ,,Microsoft”, додека петти е хемискиот гигант ,,W.L.Gore&Associates”. На шестото место е ,,Kimberly-Clark”, а на седма позиција е познатиот хотелски ланец ,,Mariott”.
Водечкиот светски произведител на алкохолни пијалоци ,,Diageo” е на осмото место, а го следи производителот на електронска опрема ,,National Instruments”.
Десеттото и единаесеттото место е повторно на две софтверски компании-,,Cisco” и ,,Autodesk”, додека на дванаесеттото место е биотехнолошкиот гигант ,,Monsanto”.
Прва финансиска компанија на листата е ,,BBVA”, позиционирана на 13-то место, пред ,,American Express”.
