Српскиот премиер Ивица Дачиќ потврди денеска дека изградбата на гасоводот Јужен поток во Србија, треба да започне до крајот на годината, јави Танјуг.
Дачиќ рече дека претседателот на рускиот енергетски гигант „Газпром“ Алексеј Милер ќе го посети Белград на крајот на октомври, за да го разгледаат исполнувањето на проектот.
Српскиот премиер потсети дека градежните работи на српскиот дел од гасоводот ќе чинат 1,7 милијарди евра.
