Богати со витамини, минерали и антиоксиданси, придобивките од боровинките се навистина големи.
Придобивките од боровинки докажуваат дека ова овошје е повеќе од вкусна суперхрана. Една порција (грст или чаша) боровинки содржи помалку од сто калории додека ги обезбедува основните витамини и хранливи материи што му се потребни на вашето тело за поддршка на кардиоваскуларното здравје.
Значи, не само што се вкусни, туку и се богати со витамини, минерали и антиоксиданси. Од античко време, боровинките се ценети поради нивните лековити својства и се користат во традиционалната медицина за лекување на разни болести.
Сезоната на боровинки зависи од географската област и климатските услови. Генерално, сезоната на боровинки обично трае од мај до август, со врвот обично во јуни и јули. Се подразбира дека свежите боровинки имаат најдобар вкус, текстура и хранливи материи во текот на сезоната кога се локално достапни и свежо набрани.
Според USDA, и според eatthis.com, една чаша сирови, сочни боровинки ви обезбедува:
85,5 калории
1,11 грама протеини
0,5 грама масти
21,7 грама јаглени хидрати
3,6 грама влакна
14,9 грама шеќер
14,6 милиграми витамин Ц
29 микрограми витамин К
116 милиграми калиум
0,42 милиграми железо
Придобивки од боровинките
Боровинките се нискокалорично овошје богато со влакна, витамини и минерали, а ова овошје е богато и со антиоксиданси, како што се флавоноиди, антоцијани и витамин Ц, кои помагаат во неутрализирање на слободните радикали и одржување на здравјето на телото.
Боровинките се добар извор на диетални влакна, кои го поддржуваат варењето, го намалуваат ризикот од срцеви заболувања и помагаат во регулирање на нивото на гликоза во крвта.
Тие можат да го подобрат кардиоваскуларното здравје, па дури и да ви помогнат да избегнете срцеви заболувања. Исто така, добро е да се знае дека, според ЦДЦ, кардиоваскуларните болести се водечка причина за смрт во САД.
Исхраната, вежбањето и откажувањето од пушење играат клучна улога во одржувањето на здравјето на срцето, а податоците покажуваат дека боровинките не само што помагаат во одржувањето на здравата функција на срцето, туку можат да делуваат и како превентива против срцевите заболувања.
Ова убаво овошје помага за одржување на здравјето на мозокот, а благодарение на високата содржина на антиоксиданси, боровинките се моќни во борбата против оксидативниот стрес.
Една од придобивките од боровинките е подобрената контрола на гликозата после оброк, потенцијално поради ефектите на овошјето врз дигестивниот систем. Студијата објавена во Current Developments in Nutrition покажува дека еквивалент на една чаша свежи боровинки дневно може да има корисен ефект врз здравјето на луѓето на кои им е дијагностициран дијабетес тип 2, а високата содржина на витамин Ц во боровинките помага во зајакнувањето на имунолошкиот систем и ја зголемуваат отпорноста на организмот на болести и инфекции.
Како да користите боровинки
Еден од најлесните начини да ги конзумирате е да јадете свежи боровинки. Можете да ги јадете сами, да ги додадете во смути, салати или да ги користите како додаток на десерти и слатки.
Од друга страна, замрзнатите боровинки се практична опција која ви овозможува да уживате во нивните благодети во текот на целата година. Можете да ги додадете во смути, јогурт или да ги користите како состојка во печива.
Има навистина многу опции, а тука е и консумацијата на сок од боровинки, суви боровинки и слично.
Во секој случај, која опција и да ја одберете, ова е овошје кое дефинитивно треба да се внесе во исхраната и покрај сите негови придобивки.
