Предност има поголем „SUV“ пред алтернативната опција на компактен хечбек кој би го оживеал духот на непостоечкиот модел „Giulietta“.
Шефот на „Alfa Romeo“, Жан-Филип Импарато, навести дека нивниот следен нов модел би можел да биде водечкиот „SUV“ во гамата, кој ќе седи над „Stelvio“.
Сè уште неименуваниот модел би можел да пристигне во 2027-ма година, со цел да се натпреварува со моделите како „Porsche Cayenne“, „BMW iX“ и „Mercedes EQE SUV“.
Следејќи ги неговите претходни коментари од минатата година, Импарато откри дека конечната одлука за петтиот модел во гамата на „Alfa Romeo“ ќе биде донесена пред крајот на 2024-та година.
Сепак, извршниот директор призна дека би претпочитал поголем теренец наместо алтернативната опција на компактен хечбек што ќе го оживее духот на непостоечката „Giulietta“.
„Прашањето е дали да одиме на поголем модел? За мене одговорот е: да. Мораме да одиме на повисок сегмент. Имаме сè – платформа, мотори, софтвер. Можеме да ја поместиме границата до максимум и јас веќе имајте некои дизајнерски скици кои се многу добри… „Ако сум премиум и не сум во Е-сегментот, тогаш што правам?“, рече Импарато.
Според „Autocar“, одобрувањето на поголемиот SUV зависи од напредокот на електрификацијата во Северна Америка, потенцијалот на азискиот пазар и обемот на продажба на конкурентните понуди во Европа.
Таков модел би бил класифициран како голем (Е-сегмент) во Европа и како премиум понуда од средна големина во Северна Америка.
