Администрацијата на Џо Бајден објави дека Израел во Газа, користејќи оружје што го набавил во Америка, можеби го прекршил меѓународното хуманитарно право, но и дека воените услови ги спречиле американските власти со сигурност да го утврдат тоа во конкретни случаи.
Наодите на американската администрација за „разумни“ докази кои би можеле да доведат до заклучок дека нејзиниот сојузник го прекршил меѓународното право во начинот на водење на војната, беа објавени во збирниот извештај доставен до Конгресот вчера, и претставуваат најсилна таква изјава на официјалните лица на Бајден.
Ограничувањето дека тие не можат веднаш да поврзат специфично американско оружје со поединечни напади на израелските сили во Газа може да ѝ даде на американската влада простор за раздвижување во какви било идни одлуки за тоа дали да ги ограничи пратките; офанзивно оружје за Израел.
Наодите на администрацијата, прва проценка од ваков вид што ја побараа Демократите на Бајден во Конгресот, следеа по седуммесечните воздушни напади, копнени борби и ограничувања за помош во кои загинаа речиси 35.000 палестинци во Газа.
Бајден е на удар поради поддршката на војната на израелскиот премиер Бенјамин Нетанјаху против Хамас. Тој се соочува со зголемен гнев дома и во странство поради зголемениот број на палестински жртви и заканата од глад во Газа, предизвикани во голем дел од израелските ограничувања за движење на храна и помош во палестинската енклава.
Американскиот претседател е во последните месеци од кампањата за реизбор против републиканецот Доналд Трамп. Тој се соочува со барања од многу демократи да ја прекине испораката на офанзивно оружје за Израел и со обвинувања од републиканците дека ја ослабува поддршката за Израел во време кога му е најпотребна.
