Во светот на природните лекови, гускината маст се смета за вреден ресурс.
Денар разговараше со скопјанец кој произведува и продава маст од гуска, а кој ни објасни дека процесот за производство на оваа маст не е воопшто лесен.
Според него, многу малку маст излегува од гуските, па затоа и цената на крајниот производ е висока.
„Гускината маст е природен лек со долга историја. Таа се користи во традиционалната медицина за разни намени. Освен што се користи за намалување на болка и воспаление, гускината маст има и други придобивки за човековото здравје. Една од главните придобивки на гускината маст е нејзиниот висок витамински состав. Таа содржи витамини А, Д и Е, кои се важни за здравите коски, кожа и имунолошкиот систем. Овие витамини помагаат во одржувањето на општото здравје и во превенцијата на разни заболувања. Гускината маст се користи и во традиционалната кујна. Таа може да се искористи за приготвување на разни јадења, ама не знам колку е исплатливо да се троши за готвење”, ни изјави Бошко од Ѓорче Петров.
Тој вели дека кај него доаѓаат луѓе од цела Македонија и купуваат гускина маст, но не секогаш може сите да ги услужи.
„Немам секогаш маст за продавање. Тешко се добива, а многу брзо се продава. Доаѓаат луѓе од цела Македонија и бараат да купат, ама некои си заминуваат со празни раце. Во последно време почнав да работам и со резервации. Денеска резервирате, а јас ви се јавувам кога ќе имам. Една тегличка од 100 грама чини 1.000 денари. На некои им е скапо, ама знаете јас колку гуски треба да заколам за да добијам 100 грама маст?“, објаснува Бошко.
Гускината маст може да биде одличен додаток во вашата домашна аптека и кујна, но пред употреба, секако треба да се консултирате со вашиот лекар или фармацевт.
Во секој случај, оваа природна супстанца нуди интересни можности за подобрување на здравјето.
Како се произведува гускината маст?
Гускината маст се користи во народната медицина како природен лек против бронхитис, хронична кашлица и други болести на дишните патишта.
Процесот на производство на гускината маст не е лесен, но резултатот е многу корисен.
Еден од начините за производство на гускината маст е следниот:
Собирање на маст: Гуските се колат и маста се собира од различни делови на телото, како што се стомакот и грбот.
Пречистување: Собраната маст се пречистува за да се отстранат непожелни супстанци и честички.
Топење и филтрирање: Маста се топи на ниска температура и потоа се филтрира за да се отстранат останатите нечистотии.
Б.З.М.
