Мате Римац, успешен претприемач од Ливно и основач на Rimac Automobil, сподели видео од новиот кампус во Света Недеља, Хрватска, кој ќе стане седиште на двете компании и еден од најголемите истражувачки и производствени комплекси во Европа.
-Вселувањето во кампусот е во тек, напиша Римац на својот профил.
Видеото е објавено и на официјалната Фејсбук страница на Rimac Automobil.
Римац претходно најави дека во кампусот ќе работат 2.500 луѓе и дека ќе се гради без заеми, средства од Европската унија или стимулации.
Со пробна патека околу комплексот, музеј, одделенија за дизајн, инженерство и производствени и тестирачки капацитети, новиот кампус, тврдат тие, ќе биде единствена локација и глобално седиште на групацијата Римац, објави Пословни дневник.