Велика Британија ќе потпише договор со француската енергетска компанија ЕДФ за изградба на нова нуклеарна централа на нејзина територија, која ќе биде прва нуклеарка што ќе се гради во Европа по хаваријата во јапонската „Фукушима“ во март 2011 година.
Изградбата на нуклераката ќе чини околу 23 милијарди долари, а деталите од договорот се очекува да бидат објавени утре.
Во изградбата на централата ќе бидат вклучени и две кинески компании, „Џенерал Нуклеар Пауер Груп“ (ЦГН) и „Чајна Нешанл Нуклеар Корпорејшн“ (ЦННЦ), кои биле партнери на ЕДФ во реализиација и на други проекти.
Предвидено е новата британска нуклеарка да има два реактори со моќност од 1,6 гигавати и да задоволува пет проценти од потребите на Велика Британија за струја.
Изградбата на нуклеарната централа е во рамките на процесот за замена и затворање на околу 20 проценти од постојните нуклеарки во Велика британија, кои се веќе застарени и дотраени.
