Најголемата американска банка Џеј Пи Морган постигна спогодба со Министерството за правда на САД да исплати рекордни 13 милијарди долари за вонсудско решавање на серија спорови, поврзани со кризата со високоризичните хипотекарни кредити, јавија светските медиуми.
Постигнатата спогодба не ја ослободува банката од кривична одговорност, фактор, кој бил главна препрека во преговорите.
Согласно договореното банката ќе продолжи да соработува во криминалните истраги за определни вмешани лица.
Претставници на Џеј Пи Морган и на Министерството за правда не сакале да дадат коментар во врска со договореното.
