Германскиот производител на автомобили, „Mercedes-Benz“ откри што ќе се случи со нивната „А-Class“.
Долго време се шпекулираше, а конечно е донесена одлука – „Mercedes“ ќе продолжи да ја произведува „А“ класата најмалку до 2026-та година. Ова значи и дека претходните планови за „пензионирање“ на хечбекот се откажани.
Веста доаѓа откако „Mercedes“ соопшти дека ќе се откаже од својот претходен став за 100% електрична флота, а шефот на компанијата Ола Каленијус изјави дека сепак ќе има „пофлексибилна“ стратегија.
Оваа „флексибилност“ покажува дека „Mercedes“ ќе продолжи да произведува „SUS“ возила врз основа на постоечката платформа, дури и додека таа ќе замине длабоко во следната деценија.
„Не верувам дека некој помислил дека ваквата трансформација, која се случува еднаш во век, ќе се случи одеднаш. Ќе има многу подеми и падови“, истакна Калениус.
Според истражувањето на пазарот на „Mercedes“, побарувачката за електрични возила ќе биде главно во сегментот на мали и средни автомобили, а Каленијус додаде дека „сè уште сме далеку од изедначување на цената за „SUS“ и електричните возила“.
