Американскиот претседател Џо Бајден оцени дека пристапот на Бенјамин Нетанјаху кон војната во Газа „повеќе штети отколку што му помага на Израел“.
Ова го изјави во интервју што беше емитувано вчера.
Нетанјаху „има право да го брани Израел, право да продолжи да го прогонува Хамас“, рече Бајден, но додаде дека „мора да посвети поголемо внимание на невините животи кои се изгубени како резултат на преземените дејствија“.
„Според мое мислење, тој му прави повеќе штета отколку корист на Израел… тоа е спротивно од она за што се залага Израел. И мислам дека тоа е голема грешка“, рече тој во интервју за MSNBC.
Тој додаде дека Израел ја губи поддршката ширум светот.
Бајден и неговите соработници силно го повикуваат Нетанјаху да не започне голема офанзива во Рафах додека Израел не развие план за масовна евакуација на цивилите од последниот појас Газа кој сè уште не бил нападнат од копнените сили.
„Постојат и други начини да се справиме, да дојдеме до, да се справиме со … траумата предизвикана од Хамас“, рече Бајден.
Со растечката хуманитарна криза во Газа и притисокот од левото крило во Демократската партија на Бајден, американскиот претседател се спротивстави на она што го гледа како „црвена линија“ во офанзивата на Израел во Газа.
Што се однесува до потенцијалната израелска инвазија на Рафах, каде што сега живеат 1,5 милиони од 2,4 милиони жители на територијата, Бајден беше строг.
„Тоа е црвена линија“, рече 81-годишниот демократ и веднаш додаде: „Никогаш нема да го напуштам Израел. Одбраната на Израел останува клучна“.
„Нема црвена линија (каде) што сакам да го отсечам целото оружје за да не мора да имаат железна купола (систем за противвоздушна одбрана) за да го заштитат.
Тој потоа уште еднаш рече дека тие всушност се „црвени линии… Не можете да имате уште 30.000 мртви Палестинци“.
По обраќањето на Бајден за состојбата на нацијата во четвртокот, тој беше слушнат како вели дека Нетанјаху мора да дојде пред Исус, американска фраза што означува драматично сфаќање дека мора да се направи промена.
И покрај промената на тонот на Бајден, неговата администрација ги отфрли повиците на активистите да ја ограничат воената помош од милијарди долари што САД му ги испраќаат на Израел.
Газа се соочува со немилосрдно израелско бомбардирање откако Хамас го нападна Израел на 7 октомври, при што според официјалните податоци загинаа 1.160 луѓе, повеќето од нив цивили.
Хамас зароби околу 250 заложници, од кои 99, според Израел, се уште се живи во Газа.
Во израелската одмаздничка операција во Газа под контрола на Хамас загинаа повеќе од 30.800 луѓе, главно жени и деца, соопшти Министерството за здравство на територијата.
„Сакам да видам прекин на огнот, почнувајќи со голема, голема размена на затвореници, во период од шест недели. Одиме на Рамазан, ништо не треба да се случи и треба да продолжиме да го надградуваме тој прекин на огнот“, рече Бајден во интервјуто.
Бајден избегна да одговори на прашањето за можноста за уште едно патување во Израел, кој го посети во октомври веднаш по смртоносниот напад на Хамас, кога им се обрати на пратениците.
Запрашан дали тоа е нешто што ќе го направи повторно, Бајден рече дека ќе го направи, но одби да каже дали бил поканет.
