Ерата на новите „пристапни“ модели на iPhone е зад аголот, барем судејќи според тековните протечени рендери за новиот iPhone SE кој е во повој.
Овие рендери ги објави специјализираниот сајт 91mobiles, а судејќи според прикажаното, Apple планира големи промени.
Изгледа дека iPhone SE 4 ќе има 6,1-инчен дисплеј – ова би било значајна надградба во однос на претходниот 4,7-инчен модел. Друга важна разлика е што тука нема копче „Home“, додека тоа беше важен дел од функционалноста на претходникот.
Понатаму, рендерите покажуваат дека засекот ќе биде сличен на оние на моделите од серијата iPhone 13 и iPhone 14 и дека ќе има Face ID модул. На задната страна ќе има една камера, слична на неговиот претходник.
[Exclusive] Apple iPhone SE 4 CAD renders suggest new design, similar to iPhone 14 https://t.co/XIX5LRdgiw
— 91mobiles (@91mobiles) March 3, 2024
Димензиите на овој уред, барем според овие информации, исто така ќе бидат слични на серијата iPhone 13/14. Исто така, малку порано се појавија гласини дека новите SE модели ќе имаат Action копче, но од рендерите не е јасно дали тоа е вистина.
iPhone SE 4 треба да се појави следната година, но со оглед на зголемените гласини за него, нема да бидеме изненадени ако Apple малку избрза со него и сепак го претстави наесен заедно со серијата iPhone 16.
