Производителот на култните мотоцикли „Harley Davidson“ повлекува 30 илјади машини поради проблем со хидрауличниот систем за влечење. Поради дефектот можно е да се појават проблеми при активирањето на сопирачките.
Од компанијата истакнуваат дека проблемот бесплатно ќе биде отстранет во целост.
Инаку во оваа акција се опфатени моделите „FLHTCU“, „FLHTK“, „FLHTP“, „FLHX“, „FLHXS“, „FLHTKSE“, „FLHRSE“, „Softail CVO“, „Trike“, „FLHTCUTG“, „FXSBSE“ и „FLSTNSE“. Сите овие мотоцикли биле пуштени во продажба во периодот од мај до октомври оваа година.
„Harley Davidson Motor Company“ е основана во 1903-та година, а седиштето на компанијата е базирано во Милвоки, Висконсин.