Кинеската марка „Chery“ планира да основа три нови брендови во Европа и да објави нов модел за секој – сето тоа во следните две години.
Новите брендови ќе се викаат „Omoda“, „Jaecoo“ и „Exlantix“. Доколку сето ова успешно се спроведе, „Chery“ планира да отвори фабрика во Европа, изјави за „Automobilwoche“ директорот на компанијата за Европа, Јохан Тутинг.
„Chery“ веќе го одложи доаѓањето на европскиот пазар во 2017-та година, а „Omoda“ и „Jaecoo“ веќе се достапни во Кина.
„Omoda 5“ е кросовер со бензински мотор, кој во европските салони треба да пристигне напролет.
Подоцна ќе пристигне верзија со батерии. Следната година би требало да дебитира теренец со име „Jaecoo 7“, а по него луксузниот бренд „Exlantix“.
Тутинг рече дека не сака нивните автомобили да бидат „буџетски“, но сепак „сакаат да бидат многу конкурентни кога станува збор за цените“.
„Целосно електричната верзија на „Omode 5“ ќе чини помалку од 40.000 евра“, додаде Тутинг.
Тој рече дека има смисла сите три марки да дебитираат речиси истовремено, бидејќи имаат различни позиции на пазарот.
