Warner Bros. студиото објави неколку интересни статистики, па добивме увид во резултатите од продажбата на нивната најпопуларна видео игра во 2023 година.
Како што наведоа, Hogwarts Legacy e продадена во 22 милиони копии минатата година – ова вклучува продажба на верзии за различни конзоли (PC, PS5, PS4, XS, XBO и NS).
Севкупно, играчите потрошиле 707 милиони часови играјќи го Hogwarts Legacy, па не е ни чудо што студиото објави нови видео игри сместени во светот на Момчето кое преживеало.
Warner Bros. тврди дека Hogwarts Legacy е најпродаваната видео игра во претходната година, што е сосема можно, но има уште неколку наслови кои би можеле да ја надминат, чии резултати од продажбата не се објавени.