Тие се еден од најголемите шпиони на интернет и прекршувачи на приватноста, но од 4-ти јануари Google почнува да ги исклучува колачињата од трети страни, наметливите компјутерски датотеки што го следат вашето однесување на интернет.
Технолошкиот гигант по случаен избор избира еден процент од корисниците на Google Chrome ширум светот, приближно 30 милиони луѓе, за први да ја испробаат опцијата наречена „Заштита од следење“.
Со оваа опција, Google ќе ги ограничи веб-локациите да користат колачиња за следење. Еве што значи промената за вас и што треба да направите кога ќе стапи на сила.
Ако сте во случајниот еден процент, ќе видите известување на вашиот прелистувач Chrome на 4 јануари, пишува Daily May.
„Вие сте меѓу првите што ја испробале заштитата од следење, опција која ги ограничува веб-локациите да користат колачиња за следење“.
Опцијата ќе работи автоматски, па додека сурфате на Интернет, колачињата од трети страни автоматски ќе бидат ограничени, што ќе ја намали можноста за следење на вашата активност.
Google планира целосно да ја елиминира употребата на колачиња од трета страна кога ќе пристигне заштитата од следење за сите корисници до крајот на 2024 година.
„Кога станува збор за подобрување на приватноста на Интернет, работата никогаш не е завршена“, пишува во соопштението на компанијата.
„Затоа во Google продолжуваме да инвестираме во опции кои ги штитат вашите податоци и обезбедуваат поголема контрола врз нивната употреба“, додаваат тие.
