IBM го претстави својот најнов квантен компјутер со над 1.000 кубити, наречен Condor. Овој чип е продолжение на серијата иновации на IBM во квантното пресметување, надминувајќи ги претходните модели со 127 и 433 кјубити. Овој напредок отвора нови врати во светот на квантното пресметување, ветувајќи решавање на проблеми кои се надвор од можностите на класичните компјутери, пишува Nature.
Сепак, IBM не само што планира да го зголеми бројот на кубити. Фокусот е и на намалување на стапката на грешки кај квантните чипови. Нивниот нов чип, Херон, со 133 кјубити, постигнува рекордно ниска стапка на грешка. Ова е клучно бидејќи квантните состојби се повеќе склони кон грешки, што влијае на веродостојноста и точноста на квантните компјутери.
Истражувачите на IBM истакнуваат дека напредните техники за корекција на грешки, како што е qLDPC (Quantum Low Density Parity Check), може значително да го намалат бројот на физички кубити потребни за формирање на стабилен логички кубит. Со овој пристап, IBM планира да поврзе неколку чипови со помалку физички кубити, создавајќи поефикасна и посигурна квантна компјутерска мрежа.
Иако имплементирањето на qLDPC е предизвик, особено со суперспроводливи кубити, IBM е оптимист и има планови за понатамошен развој на оваа технологија. Нивната визија е да стигнат до практична примена на квантните компјутери до крајот на деценијата, што вклучува симулации на молекули на катализатор, што претставува значаен чекор напред во квантното пресметување.
